عمان تقتحم السوق المصري بزيوت التشحيم

من ضمن الاتفاقات اللي وقعتها مصر في مؤتمر إيجبس للبترول 2023، كانت اتفاقية تصنيع وخلط وتسويق لمنتجات زيوت التشحيم، لشركة نفط عمان العمانية للتسويق، بالتعاون مع شركة مصر للبترول.

الاتفاق هدفه تصدير وتوزيع منتجات شركة نفط عمان، داخل وخارج السوق المصري، بواقع 1500 طن سنويًا.

الموضوع ما انتهاش لحد هنا، مصر وقعت اتفاق كمان مع نفط عمان للتسويق، لإنتاج وخلط وتعبئة زيوت الشركة العمانية في مصر، وده هيكون بالتعاون مع شركة الإسكندرية للإضافات البترولية "أكبا"، اللي هتنصع المنتج النهائي وكمان هتكون مسؤولة عن التعبئة.

الاتفاق اللي وقعه طارق الجنيدي، رئيس الشركة العمانية، مع الكيميائي هشام رياض، رئيس شركة أكبا، ومع رئيس شركة مصر للبترول المهندس محمد ماجد، تم بسبب اهتمام شركة نفط عمان للتسويق بالسوق المصرية كبوابة لأفريقيا.