عداد الكهرباء بيخصم رصيد أول ما تشحن.. تعالي أقولك ليه؟

💳 لو بتشحن كارت عداد الكهرباء وبيتخصم منك رصيد أول تشحن، أو بتلاقي الرصيد بيروح بسرعة تعالي أقولك، علشان من حقك تفهم.

🔃 في البداية لازم تعرف إن لو عليك مديونية، هيبقي في خصم اقساط عداد أو خصم فرق الشريحة وسعر خدمة العملاء.

🕐 خصم فرق الشريحة؟ بمعني إن يوم 1 فى الشهر العداد يرجع للشريحة رقم 1 بالرصيد المتبقي من الشهر السابق، وشريحة ١ ، ٢ أعلي دعم موجود لأول ١٠٠ ك

📊 كمان في خصم بيحصل لما بتوصل للشريحة 3 وبيكون قيمته ٢٨ جنيه للاسعار الحالية.

👌لو عاوز تعرف إزاي خصم الشريحة بيتحسب؟

*٥٠ كيلو × ٤٨ قرش = ٢٤ ج + جنيه خدمه عملاء = ٢٥ جنيه
* ٥٠ كيلو × ٥٨ قرش = ٢٩ ج+ جنيه خدمه عملاء = ٣٠ جنيه
يعنى اجمالى الشريحتين ٥٥ جنيه لاول ١٠٠ كيلوا.

🤷‍♀ ده مبدئياً لكن لو كسرت ال ١٠٠ كيلو وبقيت ١٠١ ده معناه ان اول شريحتين اتلغت بالنسبالك.

🔌 لو تخطيت ال ١٠٠ كيلو هتدخل في الشريحة الـ3 ويكون طريقة حسابها، ١٠٠ كيلوا × ٧٧ قرش = ٧٧ جنيه + ٦جنيه خدمه عملاء = ٨٣ جنيه

🔐 لو المكان (مغلق) يقوم العداد نهاية كل شهر بالخصم التلقائى وقيمته 9 جنيهات فى حالة عدم الاستهلاك.