راح زمن العربيات من بره..قريب جدًا عربيات مصرية 100%

لو هتركب عربية ماركة نيسان أو من جنرال موتورز، أو حتى من مجموعة ستنالتس الفرنسية، مش هتستنى كتير لحد ما تيجي من بره، أصل خلاص هتبقى صناعة مصرية.

لازم تكون عارف أهمية أن السيارات دي تكون صناعة مصرية، وهو أن العربيات تعتبر رابع سلعة في حجم الاستيراد من حيث القيمة.

مصطفى مدبولي، رئيس الحكومة المصرية، وقع ٣ اتفاقيات مُلزِمة لتصنيع السيارات في مصر مع شركات عالمية، خلال الاجتماع الأولي للمجلس الأعلى للسيارات، وهم: (نيسان وجنرال موتورز ومجموعة ستنالتس الفرنسية).

الاتفاقيات اللي تمت بتوجيه من رئيس الجمهورية، حجم الاستثمار الأولية ليها بيتجاوز 145 مليون دولار خلال ٣ سنوات، لصناعة 70 ألف سيارة.

جزء من إنتاج السيارات دي، هيتم تصديره، كمان في نسبة منها هتكون كهربائية.