اللي يعيش ياما يشوف.. السفن هتمشي بالوقود الأخضر

خلاص العالم بيتغير، عشان كدة المنقطة الاقتصادية لقناة السويس، ناوية متخليش حاجة اسمها سولار ولا بنزين، وبتتجه للطاقة النظيفة، وهتبدأ في تموين السفن بالوقود الأخضر مع بداية سنة 2026.

وليد جمال الدين، رئيس المنطقة الاقتصادية لقناة السويس، عرف وفد جمعية سيدات الأعمال الألمانية، اللي كانوا في زيارة لمصر في الفترة من 20 إلى 24 فبراير، أن موانئ قناة السويس، وعددهم 6، هتبدأ نشاط تموين السفن بالوقود الأخضر بحلول عام 2026.

كمان خلال الجولة، رئيس المنطقة الاقتصادية لقناة السويس، عرفهم الخطوات اللي تمت في ملف توطين صناعة الوقود الأخضر، بالتحالف مع عدد من الكيانات العالمية، اللي عايزة تنتج الوقود الأخضر من الهيدروجين الأخضر، والأمونيا الخضراء، والإيميثانول، عشان تصدره وتستخدمه في تموين السفن.