وزارة البترول بتستثمر في العقول.. رسالة الملا لعمال إنبي

الاستثمار فى العقول، والله زي ما بقولك كده، وزير البترول، طارق الملا، شايف أن ده الحل الأمثل عشان ننطلق نحو الإبداع والابتكار فى صناعة البترول والغاز وفى جميع مجالات صناعة الطاقة.

أصلا الوزارة عندها برنامج اسمه التطوير والتحديث، بدأته سنة 2016، ومن ضمن محاوره بناء القدرات، اللي بيشمل الاستثمار في العقول من خلال التدريب والتطوير.

الملا في لقاءه مع عمال مع شركة إنبى، اللي مقدر دورهم الكبير، بشرهم بتوافر أحدث البرامج التدريبية والتطويرية التى تفيد كل الكوادر البترولية.

وزير البترول، شايف أن المشروعات الكتير وتنوع الشراكات خلال السنوات الماضية ساهم في تدعيم خبرات ومكانة شركة إنبي، ووفر لها مكانة في السوق العالمية.. وكمان بتقدم خبراتها لصناعة البترول والغاز إقليمياً وعالمياً.

الملا، في نقاشه مع العمال، عرفهم أنه متابع لكل أعمالهم اللي بينافسوا بيها أكبر الشركات في العالم، بس ده كله مكنش هيحصل من غير استمرار التكاتف والعمل بروح الفريق وتقديم الحلول الابتكارية للإسراع بمشروعات الإنتاج والتكرير والبتروكيماويات القائمة.

وعشان تحافظ على القمة، وتزيد من مكانة قطاع البترول، ودعمه لاقتصاد الدولة، محتاجين بذل الكثير من الجهد العطاء.. وفكرهم بتاريخ شركة إنبى فى العطاء وتقديم التصميمات الهندسية للمشروعات البترولية.

وفي رسالته للعمال، طارق الملا، أكدلهم أن قطاع البترول مليان فرص، وعنده القدرة على مواكبة التطورات الحديثة من تقنيات فى مجالات الصناعة المختلفة.

ومن الفرص دي، إنتاج وتكرير وتصنيع وبتروكيماويات، وسلامة منشآت وعاملين وتوافق بيئى وغيرها، مع الفرص الاستثمارية التى ستوفرها منطقة شرق المتوسط التى تشهد زخماً كبيراً ، وده بيدعم استراتيجية العمل البترولي.

دور وزارة البترول، زي ما قال الملا، هو تنمية العنصر البشرى والكوادر البشرية، عشان يكونوا سفراء للدولة المصرية فى المشروعات التى يعملون بها داخلياً وخارجياً.