مفيش عباسية تاني.. دلوقتي وزارة الكهربا في العاصمة الإدارية الجديدة

طبعا أنت فاكر أن مقر وزارة الكهرباء والطاقة، لسه في العباسية، بس ده كان زمان، دلوقت الوزارة بدأت عملها في مقرها الجديد والموجود في العاصمة الإدارية الجديدة، وده من يوم الخميس اللي فات 2/3/2023.

الجميل في أن أول أعمال الوزارة في مقرها الجديد، كان الاحتفال بتخريج 13 متدربًا  فى مجال تشغيل وصيانة محطات المحولات، من 6 دول أفريقية وهي: (السودان، جنوب السودان، الصومال، مالاوى، موزمبيق وجيبوتى).

المتدربون دول حصلوا على المنح التدريبيية اللي بتقدمها وزارة الكهرباء للكوادر الأفريقية من خلال مشروع تعاون لبناء القدرات البشرية بالقارة، وتحديدًا مع دول حوض النيل والقرن الأفريقي.

وبيتم تنفيذ برامج تدريبيية فى مجالات الكهرباء المتعددة، في أكثر من 20 مركز تدريبي فى مصر، وإيفاد خبراء مصريين لتلك الدول.

وفي أول كلمة ليه، من مقر الوزارة الجديد في العاصمة الإدارية، رحب الدكتور أشرف شاكر، وزير الكهرباء، بالأشقاء الأفارقة، وأكد لهم أن مصر حريصة على العمل مع دول القارة لتحقيق السلام، والاستقرار، والرخاء والتنمية المستدامة.

كمان الوزير قالهم، أن مصر بتمتلك الخبرات الكبيرة في جميع مجالات الكهرباء والطاقات المتجددة، اللي نجت حتى الآن، في نقل خبراتها بإعداد وتنفيذ برامج تدريبية لعدد 8672 متدرب من أفريقيا، منهم 2589 منح تدريبية ضمن مشروع التعاون مع الدول الأفريقية.

بخلاف إرسال حوالى 39 خبير مصري لعدد من دول القارة، لنقل خبراتهم وتقديم الدعم الفني والمساعدة فى إعداد خططتها الوطنية خاصة فى مجال الطاقة المتجددة، من بينها (السودان، رواندا، تنزانيا، بوروندي، الصومال، اريتريا، والكونغو الديمقراطية).