ابعت ياللي بتبعت".. الأجانب بيستثمروا في بترول مصر بـ 8 مليارات دولار

طارق الملا، وزير البترول، عامل شغل عالي، وقدر يجيب استثمارات جديدة في قطاع البترول المصري، بمبلغ 390 مليون دولار، خلال السنة اللي احنا فيها 2023.

وزير البترول، وهو في مؤتمر مصر للبترول "إيجبس 2023"، كشف عن خطتها لزيادة استثمارات شركات النفط الأجنبية اللي شغالة في مصر إلى 8 مليارات دولار خلال العام الحالي 2023.

وزير البترول والثروة المعدنية، وقع 5 اتفاقيات مع شركات وطنية وعالمية، للبحث عن البترول والغاز، وكمان الإنتاج، في 4 مناطق موجودين في (الصحراء الغربية، ومنطقة شمال سيناء البحرية بالبحر المتوسط)، باستثمارات قيمة حدها الأدنى 40 مليون دولار،  وحفر 11 بئرًا جديدة.

كمان شركة إنرجين إنترناشونال اليونانية، اللي قيمة استثماراتها في  مصر عاملة 2 مليار دولار، ناوية تستثمر مبلغ 350 مليون دولار خلال السنة الحالية 2023، في مشروعها الموجود في (امتياز أبوقير)، أقدم منطقة لإنتاج الغاز في البحر المتوسط.