اوعي تتقفش.. العدادات الكودية وتكثيف الحملات تمنع سرقة الكهرباء

🔮 من زمان عارفين إن أي حد بيغلب في توصيل التيار الكهربائي، أو ساكن مخالف بياخد وصلة من وراء العداد وبينور بيته ببلاش.

⛩️ الكلام ده قريبا مش هيكون متواجد بسبب إن الوزارة عملت على خلق روح  التنافس بين شركات التوزيع الـ ٩ بالجمهورية لتركيب اكبر عدد من العداد الكودية للمبانى العشوائية والمخالفة.

🧑‍🔧 وقدروا إنهم ينجحوا فى تقنين أوضاع عدد كبير من المخالفين بتركيب العدادات الكودية مسبوقة الدفع لهم.

*بس لعلمك، النجاح مبيحصلش لوحده، في أسباب ساعدت لخفض نسبة الفقد بالشبكة الكهربائية، أهمها..

ـ التزام شركات التوزيع الـ ٩ بتعليمات وزير الكهرباء ورئيس الشركة القابضة لكهرباء مصر.
ـ التوسع فى تركيب العدادات الكودية مسبوقة الدفع للمخالفين.
ـ تكثيف حملات ضبط سارقي التيار بالتنسيق مع شرطة الكهرباء وتحرير محاضر ضدهم.

ـ المسابقة التي أطلقتها الشركة وهدفها كان التقييم الاسبوعى لرؤساء شركات التوزيع وتحفيز العاملين بسرعة تنفيذ طلبات التحول من المحاسبة بنظام الممارسة لتركيب العدادات الكودية.

🧑‍💼 كمان الدكتور أيمن حمزة المتحدث باسم الوزارة، كشف إن الشركات الـ٩ انتهوا من تنفيذ 2  مليون 100 ألف عداد كودى للمبانى العشوائية والمخالفة.

* إجراء ما يقرب من 2 مليون و 50 ألف معاينة لطلبات التحول من المحاسبة بنظام الممارسة إلى تركيب العدادات الكودية بالمباني المخالفة حتى الآن.

* تلقوا مليون 450 ألف طلب تحول من المحاسبة بنظام الممارسة لتركيب عدادات كودية بواقع 2 مليون 800 ألف وحدة تحتاج لتركيب عداد كودى بها.

* وعلشان تعرف إن الشركة بتعمل على مصلحتك أولا، لازم تكون فاهم ان مميزات تركيب العدادات الكودية...
ـ الحفاظ على الشبكة القومية للكهرباء من دخول أحمال مفاجأة قد تودى إلى انقطاعات مستمرة
ـ المواطن يضمن محاسبته على استهلاك فعلى وليس بناء على متوسط الاستهلاك.