النووي وصل يا رجالة.. خلاص روسيا بعتت المصيدة لمحطة الضبعة

خلاص مصر بقى عندها نووي، ومحطة الضبعة هتشتغل وهتطلع كهربا.. الموضوع دخل في الجد، وروسيا شحنت أول معدة نووية لمحطة الضبعة النووية، بعد ما تم تشغيل الرصيف البحري للمحطة.

هيئة المحطات النووية لتوليد الكهرباء، كانت اعلنت أن 
الرصيف البحري في "الضبعة" خلاص بقى جاهز لاستقبال معدات المحطة القادمة من روسيا.

أول حاجة هيستقبلها الرصيف، هتكون "مصيدة قلب المفاعل للوحدة النووية الأولى" بمحطة الضبعة، بعد ما خلص تصنيعها واختبارها في روسيا.

"مصيدة قلب المفاعل" هي أول معدة نووية طويلة الأجل، تدخل محطة الضبعة النووية، تم شحنها من روسيا إلى مصر خلال الأسبوع الماضي.

الدكتور أمجد الوكيل رئيس مجلس إدارة الهيئة النووية، قال أن أول معدة نووية، ستصل مصر خلال أيام، وسيتم تركيبها في شهر يونيو الجاي.

المفروض يبدأ تشغيل المفاعل النووي الأول في 2028، وبعدها هيتم تشغيل المفاعلات التانية ورا بعض.

حسب الخطة الموجودة، هيتم وضع الصبة الخرسانية الأولى للمفاعل الثالث، خلال الفترة الجاية.. وده ما خلصوا وضع الصبة الخرسانية الأولى للمفاعل الأول و الثاني، السنة اللي فاتت.

محطة الضبعة النووية:
-الموقع: محافظة مطروح
-المحتويات: 4 مفاعلات نووية
-إنتاج المفاعل الواحد: 1200 ميجاوات
-القدرة الإجمالية: 4800 ميجاوات