سيارة "بي إم دبليو" المستقبلية بتغير لونها في نص الشارع

تخيل تكون ماشي بعربيتك اللي لونها أسود، وسرحان وبتقول يا ريتني اشترتها أحمر.. ف تفتكر إنك معاك BMW المستقبلية فتغير لونها عادي.

مش عارف ليه شكلك مش مصدق، بس لو الاختراع الجديدة اللي عملته شركة "بي إم دبليو" الألمانية اتنفز هيكون عندنا أول عربية بخواص الحرباء.

"بي إم دبليو"، عملت سيارة جديدة ذكية، بيقولك عشان تقاوم الملل والروتين بتاع كل يوم وأنت ماشي ممكن تغير لون العربية من بره، متخافش مش هتروح للاستورجي ولا غيره، ولا طلاء أو أعمال يدوية.

من الألوان اللي تقدر تغيرها في العربية، واللي بتوصل لـ 32 لونًا، البنفسجي والوردي والأصفر والأبيض والأحمر، وده بيتم عن طريق حبر إلكتروني للانتقال بين الألوان اللي أنت عايزاها.

من مزايا العربية، مش أنك هتقدر تغير لونها على حسب مزاجك وبس، كمان ممكن تخلي صورتك وأنت سايق، تظهر على هيكل العربية من بره، عشان كل اللي ماشي في الشارع يشوفك.

الشركة قالت أن السيارة الرياضية الكهربائية الجديدة، مش هتنزل للبيع، ولسه مفيش خطة أمتى هينزلوها في السوق للجمهور.

السيارة (BMW i Vision Dee)، اللي بتنور بألوان كتير، هي الأولى من نوعها وشكلها في العالم.

جسم السيارة بيتقسم إلى "كبسولات دقيقة"، عبارة عن جزيئات كروية دقيقة يبلغ قطرها مكافئاً لسمك شعرة الإنسان.. الكبسولات فيها أصباغ ملونة بيتم تحفيزها بواسطة الكهرباءي، بناء على اللوان اللي هتحتاره.

ويمكن للسيارة المبتكرة أيضاً عرض صورة رمزية للسائق على النافذة الجانبية، بحيث يمكن رؤيتها للأشخاص في الخارج.

كمان ممكن تستخدم شباك العربية للتعتيم لو مش حابب تشوف الدنيا بره فيها أيه ولا حد يشوفك.

ممثل شركة "بي إم دبليو" اللي عملت العربية الجديدة الذكية، بيقول أنها مجرد نموذج أولي، وأن تغيير لون السيارة "رؤية للمستقبل البعيد".