التعب بيجيب نتيجة.. البنك الدولي جاهز لدعم التعدين في مصر

بعد ما شاف المجهود المبذول من مصر، وتحديدا في مجال التحول للطاقة المتجددة، وكل ما يخص الحفاظ على البيئة.. البنك الدولي أعلن أنه جاهز لمساعدة ودعم نشاط التعدين في مصر.

مدير الممارسات العالمية لشئون الطاقة والصناعات الاستخراجية فى البنك الدولى، اندهش من الجهد اللي بتعمله مصر، ومعاها منتدى غاز شرق المتوسط، في مختلف المجالات، عشان كده قرر يقدم كل الدعم للتعدين.

وزير البترول والثروة المعدنية المصري، طارق الملا، كان حريص وهو في لقاءه مع ممثل البنك الدولى، ديميتريوس باباثاناسيو، يعرفه الجهود اللي بتبذلها مصر عشان تستفيد من الإنتاج والتنسيق مع دول شرق المتوسط.

كمان عرفه الشغل اللي بيتم عشان التغير المناخي، وخفض الانبعاثات، في مصر ودول المنطقة.. وإزاي بيتم فعلا  تنفيذ مبادرات خفض الانبعاثات المختلفة التى تم الإعلان عنها خلال قمة المناخ COP27.

كان في اتفاق على ط التعاون القوي بين منتدى غاز شرق المتوسط، والبنك الدولي، مع استمرا الدعم عشان يقدروا ينفذوا الجهود والمبادرات وتحقيق الأهداف طويلة المدى.

الاجتماع بين وزير البترول المصري، وممثل البنك الدولي، كان  لبحث الأنشطة الإقليمية اللي بيتم تنفيذها حالياً في منطقة شرق المتوسط، ويشوفوا جهود التحول الطاقي وخفض الانبعاثات، وإزاي يحققوا أكبر استفادة من الموارد الغازية بالمنطقة.