تقف في الصف زي أخواتها.. شركة "بي بي" نفسها تزود الاستثمار في بترول مصر

بلدنا الجميلة محدش عارف قيمتها زي الغريب.. ده اللي بيظهر من لهفة الشركات العالمية عشان تستثمر في مصر، أو تزود الموجود، يوم والتاني، نلاقي استثمار جديد، أو زيادة في استثمار كان موجود بالفعل.

شركة "بي بي" البريطانية، عايزة تزود من الاستثمارات بتاعتها في مصر، في أنشطة البحث والاستكشاف، وتتعاون أكتر مع قطاع البترول المصري.

المهندس طارق الملا وزير البترول، كان في اجتماع مع رئيس شركة بي بي، برنارد لوني، وناقشوا مشروعات الشركة البريطانية في مصر، وخطتها الاستثمارية فى مجال البحث والاستكشاف للبترول والغاز، عشان زيادة الإنتاج.

رئيس الشركة، شايف أن مصر صنعت تجربة مميزة لتطوير قطاع الطاقة، وقوة البنية التحتية، اللي جذبت وبتجذب المستثمرين والشركات العالمية الكبرى، وعايز يواصل وجوده في مصر لفترة كبيرة زي الـ 60 سنة اللي فاتوا من وجود شركته في مصر.