بيزنس المناخ.. قريبًا تقنيات جديدة في مصر

خلاص الاستثمار في المناخ، أو زي ما بيقول البعض، بيزنس المناخ، بقى أمر واقع، سواء بسبب ارتفاع الأسعار، أو زيادة معدلات التلوث، عشان كده مصر داخلة المجال بكل قوتها.

طارق الملا، وزير البترول، كان في لقاء مع الرئيس التنفيذي لمبادرة المناخ في مجال البترول والغاز (الاستثمار في المناخ)، عشان يشوف أزاي يقدر يستفيد من الأنشطة بتاعتهم.

المبادرة اللي مصر عايزة تستفيد منها، عندها سبل أنشطة مختلفة في العمل المناخي، منها أنشطة كفاءة الطاقة، وإزالة الكربون من الغاز الطبيعي، وخفض انبعاثات غاز الميثان.

الدكتورة براتيما رانجاراجان، هو الرئيس التنفيذي لمبادرة المناخ في مجال البترول والغاز اللي بيقولوا عليها بالإنجليزي OGCI Oil & Gas Climate Initiative، مستعدة للتعاون مع مصر، وكمان تنقل كل التقنيات الجديدة ليها.

وزير بترول مصر، شايف أن التقنيات والأنشطة اللي بتقدمها المبادرة بتدعم صناعة البترول والغاز، بشكل قوي ومميز.

كمان بيرتبوا ميعاد عشان اجتماع بين مسئولي المبادرة، والمختصين بالقطاع، عشان يناقشوا الجوانب الفنية، ويشوفوا هيستفيدوا أزاي من التقنيات اللي بتقدمها المبادرة.