في الطاقة مصر وأوروبا أخوات.. غير كدة إشاعات

أيوه أخوات في البيزنس، وده اللي بيعمله طارق الملا، وزير البترول المصري، بعد ما كان في لقاء مع مديرة الطاقة بالمفوضية الأوروبية، ديت جول جورجنسون، لما كانوا في مؤتمر سيراويك الدولي للطاقة الموجود في مدينة هيوستن الأمريكية.

طارق الملا، عرض على مديرة الطاقة الأوروبية، جهود مصر اللي بتعملها على سواء محليًا أو الإقليمي، عشان زيادة صادرات الغاز الطبيعي للاتحاد الأوروبي.

وكشف عن رغبة مصر لزيادة التعاون في مجال التحول الطاقي والتغير المناخي، بعد ما عرض عدد من المبادرات، شغالين عليها لعرضها في قمة المناخ القادمة بالإمارات COP28.

وزير البترول، وضح رؤية مصر لوضع خطة تحول متكاملة بجانب العمل على مختلف المبادرات بدعم الاتحاد الأوروبي لتقديمه خلال قمة المناخ.

مديرة الطاقة في المفوضية الأوروبية، هنأت طارق الملا، على نجاح قمة المناخ COP 27 اللي كانت مصر نوفمبر الماضي، وعبرت عن سعادتها بالتعاون بين الاتحاد الأوروبي ومصر في مجالات الطاقة.

كمان بتفكر أزاي الاتحاد الأوروبي يقدر يقدم مزيد من الدعم والتعاون المشترك في مشروعات خفض الكربون، مع مصر.