12 مليون عداد غاز ذكي في طريقهم ليك

لو عداد الغاز عندك قديم، يبقى أنت المقصود.. أعمل حسابك في أي وقت هتلاقي مندوب الشركة جاي يغير العداد، ما تخافش هيجيبلك عداد ذكي، بتكنولوجيا جديدة.

محمد هليل، رئيس مجلس إدارة شركة abd التابعة للهيئة العربية للتصنيع، قال إن الهيئة شغالة دلوقت، عشان تنفذ مطالب وزارة البترول من عدادات الغاز، اللي بتوصل إلى مليون ونصف المليون سنويًا.

وخطة وزارة البترول، إنه تقوم بإحلال وتجديد 12 مليون عداد غاز قديم على مستوى الجمهورية، لأن في عدادات شغالة بقالها 30 سنة.

العدادات الذكية، شغالة بتكنولوجيا جديدة، وهي الإغلاق الذاتي في حالة وجود عبث في العداد.

الهيئة العربية للتصنيع، مشارك فاعل في التنمية الشاملة للدولة، وخاصة في التوسع في المدن الذكية الجديدة، والمدن الصناعية.