"جنود المستقبل في محطة الضبعة النووية".. زيارة لطلاب "الهندسة الاشعاعية"

إزاي تصنع المستقبل؟، أكيد مش بالبناء والمشاريع وبس، لأ محتاج اللي يديرها ويشرف عليها ويلاحق التطور ويصنع المستقبل.. عشان كده هيئة المحطات النووية لتوليد الكهرباء، نظمت زيارة لوفد من طلبة قسم "الهندسة النووية والإشعاعية" بجامعة الإسكندرية، لمحطة الضبعة النووية.

هيئة المحطات النووية، كان هدفها من الزيارة أنها تعمل تواصل واقعي وفعال مع جميع الجهات اللي المفترض ليها علاقة بمشروع الضبعة زي الجامعات، والمراكز البحثية، عشان مشروع مصر القومي بيحتاج المتخصصين والخبراء والأهم الشباب.

الزيارة اللي كانت يوم الأربعاء 8 مارس، بدأت بمحاضرة عن تاريخ مصر العريق في مجال الطاقة النووية، وكمان محاضرة عن الموقف التنفيذي لمحطة الضبعة النووية.

في خلال الزيارة ميدانية طلاب الهندسة النووية والإشعاعية، اتعرفوا على كل الأعمال والأنشطة التي بتم في محطة الضبعة، وشافوا الرصيف البحري، وأنه جاهز لاستقبال أول معدة نووية طويلة الأجل في الموقع.

كمان عرفوا خلال الزيارة دور منظومات الرصد البيئي والمعامل في المشروع، ده غير الجولة اللي تعرفوا فيها على الأعمال الإنشائية التي شغالة حاليا في محطة الضبعة النووية .

من ضمن الاستفادة الكبيرة اللي حصل عليها طلاب الهندسة الهندسة النووية والإشعاعية، في جامعة الإسكندرية، أنه عرفوا أزاي عملوا الصبة الخرسانية الأولى، في الوحدة النووية الأولى والثانية، والأعمال اللي شغالة دلوقت عشان تنفيذ الصبة الخرسانية الأولى للوحدة النووية الثالثة.

الطلاب ما الزيارة عرفوا أزاي هيئة المحطات النووية لتوليد الكهرباء، برئاسة الدكتور أمجد الوكيل رئيس مجلس الإدارة، بتقوم بدور وطني كبير عشان تنفذ مشروع مصر القومي في محطة الضبعة النووية.