الكهربا هتدخل كل بيت ومصنع.. إنشاء محطة محولات المنيا بـ 660 مليون جنيه

الكهربا هتكون في كل مكان من بحري لقبلي لكل شبر في مصر.. والدور جيه على المنيا، وزارة الكهربا دلوقت شغالة على تدعيم الشبكة الكهربائية بمحافظة المنيا وتلبية الاحتياجات المستقبلية من الأحمال الخاصة بالمشروعات القومية والاستراتيجية.

الشركة المصرية لنقل الكهرباء، وقعت عقد مع شركة السويدي إليكتريك، عشان إنشاء محطــة محـولات المنـيا ماقوسـة جهــد 66/220/ 11كيلو فولت، من النوع المعزول بالغاز، وده لمهمات بنظام "تسليم مفتاح".

المشروع هيتكلف بتاع 660 مليون جنيه، وهيتم تمويل المكون الأجنبي، من خلال قرض الصندوق العربي للإنماء الاقتصادي والاجتماعي، والمكون المحلي للعقد تمويلاً من المصادر الذاتية للشركة المصرية لنقل الكهرباء.

مدة تنفيذ العقد، هتكون من حوالي 25 شهرًا من تاريخ التوقيع، علي مرحلتين (جهد 66ك.ف مرحلة أولى & جهد 220ك.ف مرحلة ثانية).