استعد لمستقبل منور.. الكهرباء هتوفر 44 الف فرصة عمل في مشروعات الطاقة المتجددة

اللي جاي غير اللي فات، فمن دلوقتي عاوزين نقولك استعد لمستقبل مشرق هينور بالطاقة المتجددة، زي الهيدروجين الاخضر واللى هتكون مصدر دخل لمصر مثل البترول خلال السنوات القليلة المقبلة.

وده لأن وزارة الكهرباء بتستهدف أن تصل إجمالى الطاقة المتجددة بالشبكة القومية للكهرباء بحلول 2025 لـ10 الالف ميجا وات من الطاقة المتجددة.

الدكتور محمد شاكر وزير الكهرباء، قال إن التوسع في مشروعات الطاقة المتجددة يتطلب توطين الصناعة المحلية باعتباره وقود المستقبل.

وقريب هيتم الإعلان عن مزايا خاصة بالمستثمرين المحلين فى مجال تصنع معدات انتاج الهيدروجين الاخضر لتوفير النفقات وخفض تكلفة الإنتاج.

كمان هناك حوالي 100 ألف ميجا وات من الطاقة المتجددة هيتم توجيها لإنتاج الهيدروجين الأخضر خلال ال10 سنوات المقبلة.

وزير الكهرباء قال إن مشروعات الهيدروجين الأخضر هتوفر 44 الف فرصة عمل مباشرة و غير مباشرة.

كمان هتوفر 220 الف فرصة عمل مؤقتة وهتقضى على 37 مليون طن من انبعاثات ثاني أكسيد الكربون سنويا في مصر.

وفيما يخص قرار خفض سعر شراء الطاقة الكهربائية المولدة من محطات الرياح التى يتم انشائها بالتعاون مع القطاع الخاص من 2.85 سنت دولار إلى 2.4 سنت دولار، ويتم السداد بنسبة 25% بالجنيه المصرى و 75% بالعملة الأجنبية
الوزير قال إن الهدف تشجيع المستثمرين.

ولو بتسأل عن أسباب انخفاض سعر شراء الطاقة المولدة من الرياح، شاكر قال إن ده دليل على الثقة العالمية فى الاقتصاد المصري وقوته.

كمان تعتبر محطة بنبان لتوليد الكهرباء من الطاقة الشمسية  الاعلى كفاءة بالعالم و تحتل المركز الرابع عالميا من حيث القدرات.