أوكازيون الأسعار.. عرض خاص علي الكيلو وات ساعة من الشمس والرياح

فاكر زمان لما كنت تتريق وتقول أمتي يعبوا الهوا في ازايز ويبيعوه.
ده إللي بيحصل دلوقتي، بس مش زي اللي في دماغك بالظبط، لا يا معلم ده شغل عالي وبيتصرف عليه علشان يعود بفايدة ويوفر حاجات كتير أهمها الحفاظ على البيئة وفرص العمل.
وبما إنك هتبيع يبقي لازم تحدد سعر والتاجر الناصح يقلل الأسعار علشان يربي زبون.

ده إللي عملته مصر لما قررت تبيع سعر الكيلو وات ساعة من الشمس يبلغ 2.3 سنت دولار و 2.4 سنت دولار للرياح.

الدكتور محمد شاكر، وزير الكهرباء، قال إن سعر البيع ده يعتبر الأقل فى العالم ومن أكثر الأسعار المحفزة للاستثمار في هذا المجال على مستوى العالم.

كمان أكد أننا بنستهدف الوصول إلى 50% من الطاقة بحلول عام 2040.

وده حصل بعد ما كانت الاستراتيجية المصرية تستهدف الوصول إلى 42% من الطاقة المتجددة بحلول عام 2035.

كمان بيتم دلوقتي تحديث الاستراتيجية دي، بناء على المعطيات وتوافر مصادر الرياح والطاقة الشمسية وانخفاض أسعارها.

الوزير قال إن إجمالي نسبة مشاركة الطاقة المتجددة بالشبكة القومية للكهرباء تصل إلى 20%.
والقدرات المولدة من الطاقات المتجددة حاليا تصل إلى 6 آلاف ميجا وات.