علشان النور يفضل مستمر.. انشاء محطة محولات دشلوط لتأمين التغذية للصعيد

لو لسان حالك بيقول ان الصعيد مفيهوش خدمات ومنسي، خليني اقولك إن الكلام ده خلص وانتهي ومش هيتكرر تاني.
وده لأن الدولة مبتسبش شبر في مصر الا وبتطوره وتقدمله خدمات فاخرة.
من هنا ورايح انسى انقطاع الكهرباء أو حتى ضعف التيار، لأن وزارة الكهرباء بتنشئ محطة محولات دشلوط بجهد 220 ك.ف لتأمين التغذية للصعيد.

المهندس السيد أنور رئيس قطاع كهرباء مصر الوسطى بالشركة المصرية لنقل الكهرباء، قال إن انشاء خطوط الربط لمشروع محطة محولات دشلوط جهد 220 ك.ف.
هيساهم  فى استقرار وانتظام الجهود بمحافظة أسيوط والظهير الصحراوى لمدينة ديرمواس وديروط وجميع المراكز والقرى والنجوع التى تعانى من مشاكل عدم استقرار الجهود في السابق.

قال كمان إن الشركة المصرية لنقل الكهرباء ومنطقة كهرباء مصر الوسطي تعمل على قدم وساق لإنشاء محطة محولات عملاقة لحل مشاكل انخفاض الجهد بمحافظات الصعيد.

كمان هيتم فتح خط غرب ملوى / شرق أسيوط جهد  220 ك.ف وفتح خط دخول خروج ديروط / القوصية والعمل علي مد بطول (2× 13 كيلو متر ) دخول خروج لتأمين وصول واستقرار التيار بالطرق المثلي.

مشروع محطة محولات دشلوط جهد 220/ 66 / 11 ك.ف، تمت الموافقة علي اسناده  لإحدى الشركات المصرية فى فبراير الماضي سعة ( 3 × 175 م.ف.أ ) + ( 2× 40 م.ف.أ ).