كارت عداد الكهرباء ضاع ؟ خلاص مفيش أسهل من استخراج الكارت الجديد

لو كارت الكهرباء اللي بيشحن العداد ضاع أو تلف، وخايف النور يفصل عليك، متقلقش.

زمان كنت ممكن تقلق وكنت بتدخل في إجراءات طويلة وتفاصيل كتيرة خصوصًا لو مكنتش أنت صاحب العداد.

الشركة دلوقتي قصرت المسافات وبقي متاح وانت قاعد في مكانك، تستبدل كارتك التالف أو المفقود من خلال موقعها الرسمي على الإنترنت.

أما بقي لو مبتعرفش تتعامل مع الانترنت، وعاوز تتعامل وجهاً لوجه مع الشركة التابع لها، أتبع الخطوات التالية:-

توجه في غير أيام الأعطال الرسمية إلى شركة التوزيع التابع لها لتقديم طلب إستخراج كارت شحن بدل تالف أو مفقود.

لازم يكون معاك بطاقة الرقم القومي، وإيصال شحن سابق أو كود المشترك، وإقرار كتابي بفقد الكارت.

يقوم الموظف بشركة الكهرباء بفحص المستندات، ويتم إستيفاء الطلب ويتم سداد الرسوم.

شركة توزيع الكهرباء، لها العديد من الفروع بمحافظات الجمهورية مينفعش تروح أي مكان، لازم تروح الجهة التابع لها حتى يتم لها إستخراج الكارت الجديد وتفعيله.

يستغرق الأمر بين 25 إلى 30 دقيقة لإصدار كارت شحن للعداد وتفعيلة.

يجب عليك دفع رسوم بقيمة 45 جنيه، بجانب قيمة الشحن التي يريد المشترك أن يضيفها في الكارت.

لو في حالة الكارت كان فيه رصيد، بلغ الموظف المختص وبناءً علية يكون موجود تلقائياً في الكارت الجديد.