خناقة شركة تويوتا وأزمة تسليم عربيات الحاجزين وقضايا المحاكم.. وصلت لفين؟

طبعاً كلنا تابعنا الفترة الأزمة اللي حصلت مع وكلاء السيارات والحاجزين.

الأزمة دي كان سببها ارتفاع الأوفر برايس وأن الشركات مش عايزة تسلمهم السيارات بحجة أن الدولار زاد وعايزين يرفعوا السعر علشان ميخسروش.

الناس اللي كانت حاجزة معجبهمش الكلام وقالوا عايزين عربياتنا بالسعر اللي اتفقنا عليه، ومن هنا اشتعلت الازمة ورفعوا قضايا على الشركات.

بعض المحاكم اللي اترفعت قدامها القضايا دي أصدرت أحكام ومنها

▪محكمة الأميرية.
إللى قضت ببراءة 4 متهمين، أقامت ضدهم شركة تويوتا مصر دعوى قضائية، تتهمهم بتخريب أحد الأفرع، وتكسير الزجاج، وإحداث تلفيات، وغرامة 500 جنيه مصاريف الدعوى.

▪محكمة القاهرة الاقتصادية.
ألزمت شركة تويوتا بتسليم صاحبة الدعوى سيارة تويوتا كورولا بالسعر المتفق عليه مع الحكم بإلزام الشركة بالغرامة التي تراها المحكمة عن كل يوم تأخير في تسليم السيارة وتعويض 20 الف جنيه.

▪محكمة شمال القاهرة بالعباسية.
قضت برفض حكم الاستئناف لشركة تويوتا مصر بحبس اثنين من موظفي الشركة، بتهمة الضرب والتنمر على إحدى حاجزات سيارات تويوتا، المتضررة من تأخير موعد استلام السيارة.

الأحكام إللي صدرت دي حلوة ومبشرة بس  السؤال المهم والأهم، هل شركة تويوتا نفذت الاحكام دي؟ هل حد أستلم سيارته من الحاجزين؟