لو أنت أصلع.. شغل دماغك حرفيًا وولد منها طاقة متجددة

أيه رأيك لو قلتلك علي مشروع يفيدك ويخليك تتربح من رأسك بس مش من الأفكار لأ من رأسك حرفيًا.

فلو أنت أقرع، ده عز الطلب لان فيه دراسة أثبتت أن الرأس التي تعاني من الصلع تولد طاقة بكفاءة أعلى من ألواح الطاقة الشمسية.

بس مش أي طاقة، دي طاقة متجددة هتريحك من أزمة تعرضك أن شحن الموبيل يخلص ومتلاقيش مكان تشحن فيه خاصة لما تكون في الشارع.

الكلام ده مش هيتكرر تاني، بس بشرط تكون أقرع، لأن في شركة إسبانية ناشئة تعاونت مع جامعة فالنسيا التقنية، لإطلاق مشروع غريب.

الفكرة أن العلماء تمكنوا من اختراع مولد متنقل يسمح باستغلال صلع الرجال وأشعة الشمس حتى يمكن توليد طاقة متجددة.

التكنولوجيا الجديدة دي تم تجربتها على 42 رجل، وفقا لما نقله موقع دويتشه الألماني لكن الشركة قالت إن المولد هيكون متاح للعرض قريباً.

العلماء أوضحوا أن التكنولوجيا الحديثة بتعتمد على التقاط الصلع لأشعة الشمس ثم يتم تحويلها إلى طاقة تعمل على شحن بطاريات صغيرة.

ويمكن للمستخدم حملها ويمكن استعمالها لأغراض متعددة مثل شحن هاتفك أو تشغلها وتكسب منها.

كل اللى مطلوب علشان الفكرة تنجح ويتم إنتاج الطاقة، اللى بيعاني من الصلع يركب شريحة فى الرأس من خلال جراحة بسيطة.
وخلي بالك الكلام ده حقيقي وخرج للنور بعد دراسات وتجارب.