الكهرباء من "مخلفات الماشية".. أول مصنع في مجمع الإنتاج الحيواني بالسادات لإنتاج 1 ميجاوات ساعة

شركة الموارد للمنتجات الصناعية، وقعت عقد إنشاء أول مصنع في مصر لتوليد الكهرباء من الطاقة الحيوية اللي بيسموها "البيوجاز"، مع الشركة الوطنية للإنتاج الحيوانى، التابعة لجهاز مشروعات الخدمة الوطنية.

المصنع شغال على معالجة 85 ألف طن سنوي من روث الماشية، عشان إنتاج 1 ميجاوات ساعة من الكهرباء هيتم ربطها على الشبكة الوطنية للكهرباء.

وهيتم إنتاج أكثر من 80 ألف طن من السماد العضوي عالي الجودة، بعد ما أثبت فعاليته فى استعادة خصوبة التربة الزراعية ومضاعفة انتاجيتها.

كمان هيساهم في خفض انبعاثات الاحتباس الحراري بنحو ما يعادل 5000 طن من ثاني اكسيد الكربون.

المصنع أول تعاون بين القطاع الخاص وأجهزة الدولة فى مجال إنتاج الكهرباء من روث الماشية، وهيكون نموذج سيتم تكرارها في مختلف القطاعات الأخرى في مجال الطاقة الجديدة والمتجددة.

في يناير 2022، شركة الموارد للمنتجات الصناعية ركبت وشغلت أولى وحدات البيوجاز المتنقلة Portable Biogas Units في مدينة زويل التعليمية بطاقة انتاجية 2200م3 سنويًا، عشان تعالج المخلفات العضوية الناتجة عن مطاعم الطلبة، واستخدامها في أعمال الطهي بالجامعة.

بيتم استخدام السماد العضوي الناتج عن الوحدة، كسماد طبيعي للحدائق التي تقع داخل حرم المدينة. وكمان بتعتبر وحدة ييتم تدريب الطلبة والمهتمين عملياً عليها للمساهمة في نشر تكنولوجيا البيوجاز بين الطلاب في نطاق أكاديمي و بحثى.