ميكانيكي أو ديچيتال".. كود جديد لسداد فواتير الكهرباء ومتأخرات العداد

لو عداد الكهرباء "ميكانيكي أو ديچيتال"، وعليه متأخرات أو فواتير قديمة، فيه خدمة جديدة هتوفر الوقت والمجهود.

من خلال كود السداد الإلكتروني للفواتير والمتأخرات، اللى عملته الشركة القابضة لكهرباء مصر.

الشركة قالت على صفحتها الرسمية على الفيس بوك لو مش عايز فواتير الكهرباء تتراكم عليك.

يبقى محتاج تفعل خدمة كود السداد الإلكتروني، وده الكود اللي بيساعد في دفع الفواتير والمتأخرات شاملة الأقساط الموجودة على حساب العداد".

الشركة قالت إن كود السداد يعمل على توفير الوقت والمجهود.

ومن خلاله تستطيع معرفة تفاصيل فاتورة استهلاك الكهرباء كل شهر وتقدر تدفع أونلاين من تليفونك أو من أقرب نقطة دفع فواتير كهرباء.

كمان من خلال كود السداد تستطيع تسجل قراءة عدادك بنفسك في ميعاد محدد كل شهر وتعرف قيمة الفاتورة، حتى لو عدادك قديم.