حد يشتري؟.. أكبر مشروع للطاقة الشمسية في العالم "للبيع"

حد يشتري؟.. أكبر مشروع للطاقة الشمسية في العالم "للبيع"

🌘 لم يظهر الشعاع، حتي ينير الظلام.. هكذا انطفئ الأمل في أكبر مشروع للطاقة الشمسية وتخزين البطاريات في العالم والمسمى "باور لينك"، بعد أن كان يحلم بجعل الكهرباء عابرة للقارات، لكنها ظلت مجرد أحلام.
☀️ خناقة بين واحد ملياردير والتاني ملياردير برضه، الأول اسمه أندرو فورست، وصاحبه مايك كانون بروكس.. كل القصة الاتنين اتفقوا في الأول على مشروع اسمه "باور لينك"، ودخ أكبر مشروع للطاقة الشمسية وتخزين البطاريات في العالم، وأول شبكة كهرباء عابرة للقارات.
☀️ المشروع اللي تتولاه شركة اسمها "صن كيبل"، هدفه الربط الكهربائي بين قارتي أستراليا وآسيا، من خلال خط يسير تحت سطح البحر.
☀️ طبعا هتقولي اشمعنى استراليا يعني؟.. هقولك أن الملياردير وصاحبه الملياردير برضه، أصلا من أستراليا، اللي عجبها الموضوع جدا، اللي هو تصدير الكهرباء من أستراليا إلى سنغافورة الموجودة في قارة آسيا.
☀️ طيب تعرف سبب الخناقة بين الناس بتوع المليارات دي سببه أيه؟.. هقولك حسب المعلن، أن فيه خلاف بين المساهمين حول التوجهات المستقبلية للمشروع، اللب هو عايزبن نوصل بالمشروع ده لحد فين، ده غير التمويل.
☀️ الغريب أنه في شهر مارس 2022، جمع أكبر مشروع للطاقة الشمسية في العالم مبلغ 210 ملايين دولار، بس بيقولك الفلوس كانت بتخلص بسرعة وعايزين تاني كتير من أجل الدراسات الهندسية والتصاميم والأعمال الأخرى.
☀️ وهوب يا سيدي وصل أن المشروع معروض للبيع، إلا إذا قرر أحدهم استمرار الحلم.
🌞 لو عايز تعرف المعلومات اللي تهمك عن أكبر مشروع للطاقة الشمسية في العالم ⚡ 

1- تاريخ التأسيس: 2018
2- التمويل: 145 مليون دولار
3- الإدارة: شركة "صن كيبل" مديرًا طوعيًا
4- الإمكانيات:
قدرة المحطة الشمسية: 20 غيغا واط
تخزين البطاريات.. 42 غيغا واط/ ساعة
خط بحري بطول: 4200 متر
5- أهدافه
الربط الكهربائي بين أستراليا وآسيا
توصيل الكهرباء النظيفة إلى إندونسيا
إنارة 3 ملايين منزل سنويا
تلبية 15% من احتياجات سنغافورة
خفض 11.5 مليون طن من الانبعاثات
6- عرض المشروع للبيع
خلاف الشركاء حول التمويل
وضع الشركة تحت الإدارة الطوعية