لو راكب أوبل.. التوكيل هيكلمك قريب.. إيه الحكاية؟
لو راكب أوبل.. التوكيل هيكلمك قريب.. إيه الحكاية؟
لو راكب أوبل.. التوكيل هيكلمك قريب.. إيه الحكاية؟
📢 لو عندك سيارة ماركة أوبل، انتظر مكالمة أو رسالة من مندوب جهاز حماية المستهلك أو شركة المنصور للسيارات، وشركة استلانتيس العالمية، بيقولولك هات عربيتك وتعالى.. ما تستغربش وتعالى أقولك السبب، بص يا سيدي: 👀
🚘 حماية المستهلك بالتعاون مع شركتي المنصور واستلانتيس، عملوا حملة استدعاء لعددد من سيارات أوبل، للفحص والكشف على الوسائد الهوائية وتغييرها في حالة الضرورة.
🚘 الخطوة دي وفقا لجهاز حماية المستهلك، هدفها الاطمئنان على جودة وفاعلية المنظومة، وحرصا على أمن سلامة المُستهلكين دائما كإجراء وقائى.
🚦لو محتاح تطمن أن عربيتك هتكون تبع حملة الاستدعاء ولا لأ؟.. تقدر تتصل على الخط الساخن للشركة المالكة للسيارة، والتأكد من أن أرقام "شاسيه" عربيتك ضمن حملة الاستدعاء من عدمه.
🚦 لو عربيتك طلعت ضمن السيارات المحددة في حملة الاستدعاء ومحتاج تحدد ميعاد في أقرب مركز خدمة معتمد، تقدر تتصل على الخط الساخن للشركة.
🚦 لو محتاج أي معلومات عن عربيتك أو الحملة، أو تحديث البيانات تقدر تتصل برضه على الخط الساخن للشركة.
🚦 لازم تكون عارف، أن كل الخدمات دون أى تكاليف أو رسوم على العميل.
☎️ رقم الخط الساخن: 16424
