روسيا وخداها تحدي وبتقلل إنتاج البترول

بعد قرار وضع سقف لأسعار النفط الروسي، موسكو قررت تلعب معاهم لعبة تانية، وهي تقليل كميات الإنتاج، مش بس كده، كمان قررت أنها مش هتبيع للدول اللي مش بتلتزم بالحد الأقصى للسعر.

نائب رئيس الوزراء الروسي ألكسندر نوفاك، كشف أن روسيا هتخفض إنتاجها النفطي طواعية بمقدار 500 ألف برميل يوميا، بنسبة 5% بداية من مارس، تحديًا لقرار الغرب بوضع سقف لأسعار النفط الروسي.

روسيا شايفة أن قرارها بتخفيض الإنتاج بمقدار 500 ألف برميل يوميًا، هيساعدها في استعادة العلاقات مع السوق، خاصة وأنهم بيبعوا إنتاجهم بالكامل، ومصممين أنهم مش هيبيعوا للدول اللي مش ملتزمة بالحد الأقصى للسعر.

مندوبان في منظمة أوبك+، قالوا لوكالة "رويترز"، أنهم مش ناوين ياخدوا أي قرار بعد إعلان روسيا عن تخفيضات إنتاج النفط.