وربنا يبارك لصاحب النصيب.. حكاية مشروع إيباز وانتاج ربع مليون سيارة سنويا

لأول مرة في تاريخها قررت مصر تطوير وتوطين الصناعات المستوردة كحل نهائي لأزمة الدولار.

وقررت تنفذ مشروع مدينة ايباز واللي الدولة شغالة فيه ليل نهار عشان يخرج للنور وهيحل أزمة كبيرة جدا في السوق المصري.

فى السطور التالية هنعرف إيه هو المشروع وإيه الأزمة اللي هيحلها وهتسعد المصريين.

*مشروع ايباز، معناه مدينة كاملة لصناعة السيارات في شمال سيناء أو شرق بورسعيد.

تقام مدينة صناعة السيارات بشرق بورسعيد الاقتصادية على مساحة 240 فدان.

المشروع عبارة عن 3 شركات عالمية في صناعة السيارات بتعمل مصانع ضخمة في مدينة صناعة السيارات "ايباز".

وبدأ تنفيذ مرحلتها الأولى في فبراير اللي فات بمنطقة شرق بورسعيد.

على مساحة مليون م٢ بجوار مدينة صناعة القطارات "نيرك" 
المرحله الأولى بتضم 3 مصانع بطاقة انتاجية 70 ألف سيارة سنويًا وهتوصل لـ250 ألف سيارة من ماركات نيسان وجنرال موتورز وستيلانتس.

أول دفعة من إنتاج مصانع سيارات شرق بورسعيد هتنزل السوق في منتصف 2025.

بكده الإنتاج هينعكس على الأسعار وهتكون في متناول الايد لأن العربيات معليهاش جمارك ولا رسوم ولا أوفربرايس.

الطاقة انتاجية هتكون ربع مليون سيارة سنويا -أي عشرة أضعاف القدرة الإنتاجية الحالية لمصانع السيارات بمصر.